Մեր մասին
“Սոֆթ Պրոֆ” ընկերությունը զբաղվում է ծրագրային ապահովման մշակմամբ: Մենք առաջարկում ենք լուծումներ ինչպես փոքր բիզնեսի, այնպես էլ խոշոր կազմակերպությունների և հանրապետական տվյալների պահոցների ստեղծման և ղեկավարման համար:
Մեր աշխատակիցները մինչև 2014թ. աշխատել են Երևանի մաթեմատիկական մեքենաների գիտահետազոտական ինստիտուտում, առանձին լաբորատորիայի կազմում և մեր հիմնական համապետական նախագծերը մշակվել են այդ ժամանակահատվածում:
Տվյալների պահոցների ղեկավարման համար վերջին շրջանում մեր մշակումները վերաբերում են հատուկ ծրագրային, տեխնոլոգիական և լեզվային գործիքակազմերի մշակումների, որոնք ապահովում են մեծ տվյալների բազաների հետ դյուրին աշխատանքը, մասնավորապես՝
DataArm Framework
DataArm Framework-ը իրենից ներկայացնում է ծրագրային հարթակ (Data provider collector), որի տեխնոլոգիական գործիքակազմը և ֆունկցիոնալ հնարավորությունները ապահովում են տարատեսակ տվյալների պահոցների (Oracle, PostgreSql, MySql, Linter և այլն, ինչպես նաև NoSql Leviathan-Vostan պահոցի) կառավարումը և դյուրին կերպով օգտագործումը կլիենտային կիրառական ծրագրերի կողմից, անկախ նրանից, թե ինչ պլատֆորմում են դրանք մշակվել:
DataArm Framework-ը օգտագործողին առաջարկում է այնպիսի լեզվային և ֆունկցիոնալ հնարավորություններ, որոնք ապահովում են կլիենտային կիրառական ծրագրերի և տվյալների պահոցում իրականացվող բիզնես պրոցեսների իրարից անկախ աշխատանքը: Տվյալների պահոցի հետ աշխատող ծրագրային միջոցները աշխատում են կիրառական սերվերների վրա և ապահովում են կապը կլիենտային կիրառական ծրագրերի և տվյալների պահոցում իրականցվող բիզնես պրոցեսների միջև: Բիզնես պրոցեսները տվյալների պահոցում իրականացվում են որոշակի սցենարների միջոցով: Սցենարների նկարագրման համար մշակվել է հատուկ լեզու: Այդ լեզվի ինտերպրետատորը մշակվել է որպես web service, որն ապահովում է սցենարների կատարումը տվյալների պահոցում և ստացված արդյունքի վերադարձը: Կլիենտ – սերվեր տվյալների փոխանակումը կատարվում է SOAP ստանդարտին համապատասխան: Այս մոտեցումը հնարավորություն է տալիս առանց մեծ ջանքերի ազդել տվյալների հիմնական պահոցում կատարվող բիզնես պրոցեսների վրա, դյուրին կերպով ավելացնել նոր սցենարներ կամ փոխել դրանք, դյուրին կերպով իրականացնել անցումը մեկ տվյալների պահոցի տեսակից` մյուսին: Մասնավորապես, DataArm Framework-ի գործիքակազմը հնարավորություն է տալիս նաև ներկայումս շահագործվող ծրագրային համակարգերի տվյալների պահոցի տեսակի փոփոխություն (oracle –ից PostgreSql, MySql… կամ Leviathan-Vostan՝ եղած տվյալների բազայի կառուցվածքի համապատասխան փոփոխությունից և տվյալների միգրացիան կատարելուց հետո): Այս դեպքում կլիենտային ծրագրերին կառաջարկվի այնպիսի ֆունկցիաներ, որոնք կապահովեն տվյալների պահոցի հետ հարցումների կազմակերպումը և ստացված արդյունքների մշակումը: Մասնավորապես, տվյալների պահոցում բիզնես պրոցեսի իրականացման համար որպես սցենար, այս դեպքում, կարող է հանդես գալ, օրինակ, արդեն պատրաստի աշխատող Sql արտահայտությունը:
